Presidentja e Kosovës, Vjosa Osmani në Konferencën e Sigurisë në Munich është takuar me presidentin e Këshillit Evropian, Antonio Costa.
Në këtë takim, Osmani ka bërë thirrje që BE-ja të heqë masat ndaj Kosovës.
“Ishte kënaqësi ta takoj Presidentin e Këshillit Evropian, António Costa, në Konferencën e Sigurisë në Mynih”, ka thënë Osmani.
“Populli ynë ka dëshmuar përkushtim të palëkundur ndaj vlerave evropiane dhe ka bërë hapa domethënës në rrugëtimin drejt integrimit”, ka thënë presidentja e Kosovës.
“Është koha që BE-ja ta njohë dhe vlerësojë këtë progres, përfshirë duke larguar masat e padrejta dhe duke i hapur rrugë Kosovës drejt statusit të kandidatit”, ka thënë ajo.
