Nga rezultatet preliminare të publikuara nga KQZ-ja, pa llogaritur votat e diasporës dhe votat me kusht, LVV në Vushtrri ka marrë 52.59% apo 17725 vota.
Veriu.info ka siguruar votat e kandidatëve të LVV në shkollën “Ali Kelmendi” në qytet, që ka gjithsej 5 vendvotime.
Pas numërimit të votave në këtë qendër votimi del se Albin Kurti ka marrë 1061 vota, i pasuar nga Glauk Konjufca që ka marrë 893 vota. Kandidatja e tretë me numrin më të madh të votave është Fjolla Ujakni me gjithsej 528 vota, duke kaluar kështu bashkëkryetarin e Listës GUXO, Faton Peci që ka marrë 515 vota.
I pesti renditet Sylejman Meholli me 485 vota.
Kandidatët tjerë të LVV nga Vushtrria kanë marrë këto vota: Nasuf Bejta 418 vota dhe Besim Muzaqi 372 vota.
Lartë në renditje del edhe Albulena Haxhiu që ka marrë 452 vota në këtë shkollë.
Veriu.info ka llogaritur edhe votave të kandidatëve të LVV-së nga Mitrovica, që hyjnë në kuadër të rajonit 02 së bashku me Vushtrrinë, ku Agim Bahtiri ka marrë 140 vota, Armend Muja 112 vota dhe Arjeta Fejza 102 vota./Veriu.info
