Sala Jashari, 25 vjeçarja nga Prekazi i Skenderajt, është njëra ndër pesë top më të votuarat nga Partia Demokratike e Kosovës, në zgjedhjet e 9 shkurtit, shkruan Gazeta Infokus.
Jashari ka treguar arsyen se pse doli nga Iniciativa “Ideal”, e Bekim Jasharit dhe i’u bashkua PDK-së, në qershor të 2024.
Ajo në një intervistë të fundit për emisionin “Gratë n’Fokus” me Meme Smajli, ka theksuar rëndësinë e familjes Jashari në historinë e Kosovës dhe kontributin e saj të jashtëzakonshëm në luftën për liri.
Gjithashtu Sala Jashari, ka shpjeguar se familja e saj është njohur si një familje patriotike, e cila ka luajtur një rol të rëndësishëm në themelimin e Ushtrisë Çlirimtare të Kosovës, e ku përmendi edhe rëndësinë e PDK-së, e cila e ka në ADN-në e saj UÇK-në, që sipas saj ka një lidhje që përkon me vizionin e saj dhe që e bën atë të ndjehet shumë e lidhur me këtë parti.
“Ne si familje njihemi si familje patriotike, familje që ka jep një kontribut në historinë e Kosovës, familja jonë vazhdimisht ka qenë e lidhur ngusht me Ushtrinë Çlirimtare të Kosovës, për vetë faktin që familjen tonë ne i kemi edhe dy gjeneralë, Sahit Jasharin dhe Musa Jasharin janë dy djemtë e Sala dhe Hamit Jasharit dhe ata kanë qenë në fillimin dhe themelimin e Ushtrisë Çlirimtare të Kosovës, përderisa Partia Demokratike e Kosovës në ADN-në e saj e ka UCK, atëherë ku ndryshe se në Patinë Demokratike të Kosovës, unë mendoj që edhe e kaluara dhe e tashmja lidhet shumë me vizionin që unë e kamë dhe ka qenë një përputhshmëri në mes të dyjave dhe tashmë mendoj që i kemi mundësitë shumë të mira që ne mundemi me ndiku tek njerëzit”, ka deklaruar Sala Jashari në emisionin Gratë n’Fokus.
Sala Jashari deri më tani ka siguruar plotë 33 mijë e 152 vota.
Për të parë më shumë ndiqeni emisionin dhe storien e plotë:
