Ministri i Mbrojtjes, Ejup Maqedonci ka pritur sot në takim ambasadorin e Mbretërisë së Bashkuar në Kosovë, Jonathan Hargreaves.
Ministri e ambasadori kanë diskutuar mbi forcimin e bashkëpunimit dypalësh në fushën e mbrojtjes dhe sigurisë.
“Gjatë takimit, një nga çështjet kryesore të diskutuara ishte arkitektura e re politike në botë dhe sfidat që vijnë me të. Palët ndanë ide dhe qasje mbi mënyrat më efektive për të përballuar zhvillimet e fundit globale, duke theksuar rëndësinë e koordinimit dhe partneriteteve strategjike”, thuhet në njoftim.
Ndërkohë, ambasadori i ka përcjell Maqedoncit urimet për rezultatin e zgjedhjeve duke e vlerësuar lidershipin dhe angazhimin e tij në forcimin e sektorit të mbrojtjes.
