Kryeprokurori i Prokurorisë Themelore në Ferizaj, Burim Çerkini, ka thënë se po bëhet “punë e jashtëzakonshme” për të gjetur dhe kapur autorët e vrasjes.
“Jemi duke i ndërmarrë të gjitha veprimet hetimore për të zbuluar arsyen dhe motivin që ka çuar deri në kryerjen e kësaj vrasje shumë të rëndë. Që nga nata e mbrëmshme hetuesit policorë janë në terren për të identifikuar dhe vlerësuar çdo informatë, provë, dëshmi e që do të na drejtojë në pistat e mundshme të hetimit që do të na lehtësojë zbardhjen e kësaj çështje penale”, tha ai.
Ai ka thënë se janë intervistuar “shumë persona, dëshmitarë, persona që kanë rastisë në vendin e ngjarjes, që mund të japin informacione të rëndësishëm për organet e rendit e që do të na shpie në zbardhjen e kësaj çështje”.
“Humbja e tij është një mungesë e madhe për Policinë, Prokurorinë në Ferizaj, posaçërisht për familjen, shokët dhe kolegët e tij”.
Ai ka shprehur ngushëllime për vrasjen e rreshterit Lika.
“Deri më tani nuk kemi persona të arrestuar për këtë çështje penale. E ceka më lart që ka pasë intervista, por që deri në këtë moment ne nuk dimë arsyen apo edhe motivin që ka çuar deri në këtë rast makabër. Siç dihet në Kosovë në 10 ditëshin e fundit është vrasja e pestë dhe shpresojmë që ky do të jetë rasti i fundit dhe mos të përsëriten rastet të këtyre llojeve dhe të jetë rast i fundit që ne ballafaqohemi me kësi ngjarje”, tha ai.
