Kenan Gashi, drejtori ekzekutiv i AVONET, ka publikuar gjendjen e mjerueshme të rrugës në Jezerc të Ferizajt, ku humbi jetën Rizah Hasani, shoferi i firmës “Bageri” të multimilionerit Bujar Shabani.
Gashi krahas fotografisë së bashkëngjitur ka ritheksuar faktin se rasti është cilësuar nga autoritetet si “vetaksident”, shkruan Insajderi.
“Kjo është në fshatin Jezercë – aty ku po zbatohet një 𝗸𝗼𝗻𝘁𝗿𝗮𝘁𝗲̈ 𝗺𝗲 𝘃𝗹𝗲𝗿𝗲̈ 𝗺𝗯𝗶 𝟱 𝗺𝗶𝗹𝗶𝗼𝗻𝗲̈ 𝗲𝘂𝗿𝗼. Pikërisht në këtë rrugë ka humbur jetën një punëtor, si pasojë e mungesës së sigurisë në punë. Dhe çfarë ndodhi më pas? 𝗣𝗼𝗹𝗶𝗰𝗶𝗮 𝗲 𝗞𝗼𝘀𝗼𝘃𝗲̈𝘀 𝗱𝗵𝗲 𝗣𝗿𝗼𝗸𝘂𝗿𝗼𝗿𝗶𝗮 𝗲 𝗦𝗵𝘁𝗲𝘁𝗶𝘁 𝗲 𝗰𝗶𝗹𝗲̈𝘀𝘂𝗮𝗻 𝗿𝗮𝘀𝘁𝗶𝗻 𝘀𝗶 “𝘃𝗲𝘁𝗲̈𝗮𝗸𝘀𝗶𝗱𝗲𝗻𝘁”! Kjo është fytyra e drejtësisë sonë, kur përballë milionave, jeta e një punëtori trajtohet si një statistikë pa zë”, tha ai.
Sipas tij, në këtë rrugë mungon muri mbrojtës dhe parmakët elastikë, e që mungesa e tyre rrezikon jetën e kalimtarëve dhe shoferëve.
“Kjo rrugë nuk i përmbush standardet e sigurisë në komunikacion, prandaj kërkoj një reagim urgjent nga institucionet kompetente dhe një hetim të thellë e serioz lidhur me rastin”, tha Gashi.
Insajderi raportoi në fund të marsit se si Prokuroria Themelore në Ferizaj ka heshtur në rastin e Rizah Hasanit.
Mediumi ka marrë vesh se vendngjarja ku ka humbur jetën Rizah Hasani ka qenë zonë e ndaluar si vendpunishte.
Insajderi ka kontaktuar edhe me firmën “Bageri” për t’i pyetur nëse kanë qenë në dijeni për një gjë të tillë, mirëpo të njëjtit s’i janë përgjigjur kërkesave të mediumit.
