Pas betimit si deputet në seancën konstituive të Kuvendit të Kosovës, Albin Kurti është parë duke u drejtuar për në objektin e Qeverisë.
Me të dalë nga Kuvendi, ai është ndalur nga gazetarët, të cilët e kanë pyetur për pozicionin e tij aktual dhe për strategjinë e Lëvizjes Vetëvendosje lidhur me votat për zgjedhjen e kryetarit të Kuvendit.
“Në çfarë cilësie do të ktheheni në qeveri, ndërsa jeni betuar si deputet. Si do t’i bëni votat të hënën për kryeparlamentar?” – ishte pyetja që iu drejtua Kurtit.
Megjithatë, ai nuk dha asnjë përgjigje, duke vazhduar rrugën bashkë me truprojat e tij, pa komentuar për asnjë nga çështjet e ngritura nga mediat.
