Ish diplomati Gjergj Dedaj, në një intervistë për “Expose”, thotë se Serbia duhet ta kuptojë se Kosova është e pavarur dhe ta njohë këtë realitet.
Dedaj thotë se është keq që Serbia akoma vazhdon të jetë element destabilizues për Kosovën dhe rajonin me këtë politik.
“Sa i përket marrëdhënieve ndërmjet Kosovës dhe Serbisë, defakto dhe dejure ato janë të kryera, ne mund të funksionojmë vetëm si dy shtete të pavaruar duke respektuar sovranitetin, integritetin, ligjet dhe kushtetutën e njeri tjetrit dhe gjitha të tjerat që të kemi një raport bashkëpunimi ndërshtetërorë. Sa i përket statusit politik të Kosovës nuk kemi më se cfarë të diskutojmë me Serbinë sepse kjo është një cështje e kryer njëherë e përgjithmonë dhe Serbia duhet ta kuptoj se Kosova është shtet i pavarur dhe është shtet sovran dhe duhet ti njohë dhe akceptoj realitetet e reja në Kosovë. Mirëpo ka tema dhe çështje që mund të bisedojmë jo vetëm me Serbinë por edhe me vendet e rajonit por edhe me gjitha vendet e botës sepse jemi të interesuar për thellimin e marrëdhenieve bilaterale dhe mulitilaterale të Kosovës me të gjitha vendet duke përfshi edhe Serbinë. Serbia është keq që akoma vazhdon të jetë element destabilizuse për Kosovën dhe rajonin dhe me këtë politik ajo nuk arrin pajtueshmërinë dhe procesin e pajtimit që është i domosdosëm në procese integruese dhe euroatlantike dhe është i domosdoshëm për dy vendet dhe dy popujt tanë“, tha ai.
Sa i përket kompromiseve në dialog, ai shprehet pro çdo kompromisi që nuk e dëmton sovranitetin, Kushtetutën dhe pavarësinë e Kosovës.
“Çdo kompromis që nuk e dëmton sovranitetin, integritetin, kushtetuten dhe pavarsinë e Kosovës është i nevojshëm dhe çdo kompromis i cili i ndihmon bashkëpunimit dhe thellimit të partneritetit edhe euroatlantik dhe bashkëpunimit me Serbinë është i nevojshëm. Kompromiset mund të shpjegohen në forma të ndryshme, varësisht se si i qasemi, mirëpo kompromis në kuptimin se a do të ketë kompromis Kosova në dëm të shtetësisë, sovraniteti të Kosvoës dhe në dëm të territorit të Kosvoës ajo as nuk mund të vjen në shprehje, as nuk mund të bisedohet dhe as të akceptohet nga asnjë palë“, shtoi ai.
Dedaj thotë se qeveria Kurti ka dështuar në dialog dhe në përmbushjen e obligimit për Asociacionin, ku potencon se duhet të ketë njohje nga Serbia.
“Sfidat e qeverisë së re në ardhje, meqenëse kjo qeveria në ikje nuk i ka përmbush premtimet që i ka dhënë në vitin 2020-2021, domethënë ka dështu në këtë aspekt, atëherë qeveria në ardhje do të ballafaqohet me asociacionin si një obligim që është marrë dhe vendosë në Kuvendin e Kosovës në vitin 2013, 2014, 2015 dhe me këtë temë jemi duke u marrë sepse Kurti në fakt këtë e ka pranu në Ohër dhe Bruksel, mirëpo gabimi më i madh është aty se duhet të futet cështja e njohjes të Kosvoës nga Serbia dhe njohjes së Serbisë nga Kosova, pa njohje reciproke dhe pa garanci që nuk do të ketë ky asociacion prerokativa të shtetësisë të autonomisë sic pretentojnë dhe synojnë serbët, ne duhet të jemi shumë të kujdesshëm dhe një gjë e tillë nuk vjen në shprehje“, përfundoi Dedaj për GazetaBlic.
