Pas raportimeve të Veriu.info se Agjencia e Ushqimit dhe Veterinarisë ka nisur shfuqizimin e vendimeve për ndalim të importit të kafshëve të gjalla nga Rajonid dhe BE për 28 operatorë ekonomik, për të cilët ministri i Bujqësisë në detyrë, Faton Peci, kishte thënë se pezullimet e këtyre lejeve ishin bërë për shkak të falsifikimit të dokumenteve dhe evazionit fiskal më dekada, ka reaguar gazetari dhe analisti Lirim Mehmetaj duke e quajtur si skandal të radhës.
Mehmetaj ka kritikuar ministri Peci që nuk bëri njoftimin e radhës për të treguar se vtëm 2-3 ditë pasi lejet u pezulluan, ato u lëshuan prapë, transmeton Veriu.info.
Postimi i Lirim Mehmetaj:
Skandali i radhës nga Faton Peci…
Me 18 prill, Faton Peci, njoftoi se “28 operatorëve ekonomikë iu janë pezulluar lejet e importit të kafshëve të gjalla nga vendet e Rajonit dhe Bashkimit Evropian”.
Por, ai nuk e bëri njoftimin e radhës dhe nuk tregoi që vetëm dy tre ditë pasi u pezulluan këto leje ato u lëshuan prapë.
Përkundër se vetë njoftoi paraprakisht se dëmi financiar nga këta operatorë është qindra miliona dhe dëmi në sigurinë ushqimore është i pakthyeshëm e i pallogaritshëm, Agjencia e Ushqimit dhe Veterinës e ka pezulluar vendimin e parë dhe ka marrë një tjetër ku secili prapë mund të importojë.
Tash, që ta keni të qartë se për çfarë krimi bëhet fjalë, vetëm mendojeni këtë.
Në Kosovë futen rreth 70 mijë kafshë të gjalla për therje në Kosovë brenda vitit.
Kurse, therje të regjistruara brenda vitit janë rreth 25 mijë.
Nga këto therje, gjysma llogaritet të jenë kafshë vendore.
Kështu që, përafërsisht, i bie se rreth 80 për qind e kafshëve që vijnë për therje në Kosovë, therren ilegalisht, shiten ilegalisht dhe bëhet biznes krejtësisht ilegal me to.
Përkundër kësaj, Faton Peci me Agjencinë nën ministrinë e tij, ka hequr dorë nga vendimi fillestar.
Tash ai duhet të dal e të na tregoi pse.
Në vende të tjera, mos kontrolli i tillë i therjeve e mishit trajtohet si krim kundër popullatës.
