Ka nisur seanca konstituive e radhës në Kuvendin e Kosovës, ku pritet të zhvillohet votimi për zgjedhjen e kryetarit të ri të Kuvendit.
Deputetve iu është mundësuar të votojnë përmes votimit të fshehtë, sipas përcaktimeve të rregullores së punës, duke garantuar një proces transparent dhe të paanshëm.
Kjo formë votimi u lejon deputetëve të shprehen lirshëm, pa ndikime të drejtpërdrejta politike, çka pritet të ketë ndikim në rezultatin përfundimtar. Edhe në këtë seancë, Lëvizja Vetëvendosje ka propozuar Albulena Haxhiun si kandidate për kryetare të Kuvendit. Vendimi përfundimtar do të bëhet i ditur pas përfundimit të procesit të votimit.
