Mori kredi për të blerë banesë , paratë i dha por që të njejtën nuk e pa kurrë, pasi ra pre e një mashtrimi.
Ishte viti 2020 kur Imer Hajdaraj nga Drenasi, bëri marrëveshje për blerjen e një banese nga Keni Sh.P.K në vlerë prej 32 mijë euro.
Marrëveshja ishte nënshkruar nga të dyja palët, Sami Rexha nga Mitrovica në cilësinë e pronarit, por tash e thuajse 5 vite, ky objekt banimi nuk përfundoi kurrë.
Parcela ku pritej të ndërtohej objekti shumëkatësh gjendet në rrugën Hajrullah Zymi në Fushë Kosovë
Kontrara u lidh për katin e katërt të këtij projekti, për të cilin u nënvizua se ku do të banoi, që në vitin 2021.
Kompania Keni Shpk duke shkelur të gjitha afatet kohore, nuk i doli kurrë zot, marrëveshjes të cilën e nënshkruan.
Ky objekti tash e asaj kohe ka mbetur në procesin e siç quhet ndërtimit të vrazhdë.
Imeri ndjehet i dëshpëruar se mori kredi për këtë banesë e tani po paguan për diçka që se di se a do ta ketë ndonjëherë.
Duke mos mjaftuar, blerësi po paguan përveç këstit të kredisë, edhe qiranë e banesës ku po detyrohet të banoi tash.
60 vjeçari thotë që u mashtrua edhe nga dy persona që ishin ndërmjetësues të marrëveshjes mes tij dhe Sami e Dren Rexhës. DOC
Këta persona, thotë që iu prezantuan fillimisht si shitës, e më pas si agjent të shitjes.
Hajdaraj, i mbështetur për muri, tash po bën thirrje që të gjithë këta persona që e mashtruan, dhe u tallën me seriozitetin e tij për të blerë një banesë, të dalin para drejtësisë.
Ky mashtrim thotë që ia rëndoi shumë gjendjen ekonomike sa që po detyrohet që katër fëmijët e tij t’i lë pa para.
Ka muaj që nuk po ia del të paguajë edhe qiranë, edhe këstin e kredisë.
Hajdaraj i vendosur që të ndjek rrugët ligjore, angazhoi një avokat dhe bëri një padi.
Tash e tri vite, nuk ndodhi asgjë.
60 vjecari ka thënë se s’ka lënë vend pa i kërkuar e interesuar për pronarët, mirëpo sipas informatave që ka arritur t’i marr deri më tash, është se pronarët kanë ikur në Gjermani.
Madje, thotë Hajdaraj, se në rast se ata po e shohin këtë emision, ka një mesazh të qartë për të gjithë ata që u bën pjesë e kësaj skeme mashtrimi.
