Njohësi i zhvillimeve politike, Arbnor Sadiku, ka folur në lidhje me krizën institucionale në vend.
Sadiku në një prononcim dhënë për “Gazeta Blic”tha se nuk sheh rrugdalje nga kriza politike deri pas zgjedhjeve lokale.
Ai tha se rruga më e drejtë do të ishte që dikush nga opozita të dërgoj lënden në Gjykatën Kushtetuese për interpretim, lidhur me atë se a mund ti takoj edhe koalicionit jo fitues të zgjedhjeve parlamentare, kryetari i Kuvendit.
“Nuk po shoh rrugëdalje nga kriza politike, deri pas zgjedhjeve lokale. Do të ishte e rruges që dikush nga opozita të dërgoj lënden në Gjykatën Kushtetuese për interpretim, lidhur me atë se a mund ti takoj edhe koalicionit jo fitues të zgjedhjeve parlamentare, Krytari i kuvendit dhe pas interpretimit te kesaj situate, do ‘pjekeshin’ kushtet për zgjedhje të reja parlamentare” tha Sadiku.
Sadiku tha se opozitës aktualisht nuk i konvenon asnjë koalicion me Lëvizjen Vetëvendosje.
‘E kundërta kriza do të vazhdoj deri pas zgjedhjeve lokale, sepse opozitës nuk konvenon aktualisht asnjë koalicion ne LVV-në’ tha Sadiku në përgjigjen e dhënë për “Gazeta Blic”.
Sot ka dështuar edhe tentativa e 24-të për konstituimin e Kuvendit të Kosovës.
Sërish PDK, LDK, AAK-Nisma dhe Lista Serbe nuk kanë propozuar anëtarët për Komisionin për votim të fshehtë.
Nga 96 deputetë që ishin në sallë, 53 deputetë votuan për, një kundër dhe si zakonisht nuk pati asnjë abstenim.
Kryesuesi seancës, Avni Dehari tha se seanca vazhdon pas 48 orësh, më 02.06.2025 në ora 10:30.
Bashkimi Evropian ka përsëritur thirrjen për formimin e qeverisë sa më shpejt që është e mundur.
Kështu ka deklaruar ditë më parë shefi i Zyrës së BE-së në Kosovë, Aivo Orav, gjatë konferencës “Kosova drejt Bashkimit Evropian: Rruga drejt një zgjidhjeje” .
Orav ka theksuar se Kosova ka mundësi reale për t’u afruar me BE-në, por që, sipas tij, krahasimet me vendet fqinje nuk e ndihmojnë në këtë drejtim.
