Hazbie Brahimit nga Obiliqi, e cila është nënë vetushqyese, i është shtuar një hall i madh qe një javë.
Kanalizimi i bllokuar jashtë objektit ku banon, ka bërë që në banesë t’i shpërthejnë ujërat e zeza përmes guacës dhe ujëmbledhësit të dyshemesë.
Jetesa në ato kushte me kundërmim, ia ka rënduar edhe gjendjen psikike.
Ajo ka dertin për vajzën e saj se mund të sëmuret, pasi që një javë po fle me dritare hapur që të largohet era e keqe.
Brahimi madje është detyruar edhe në ora 2 të mëngjesit të pastrojë banjën e ndotur pasi ujërat e zeza kishin shpërthyer deri në korridor.
Hazbija, e cila jeton vetëm me të bijën me një social, thotë se është diskriminuar nga shteti.
Ajo thotë se shqetësimet që i ka adresuar tek Drejtoria e Shërbimeve Publike në Obiliq, dhe dega e Kompanisë Rajonale të Ujësjellësit, nuk janë marrë parasysh.
Ndryshe, Komuna e Obiliqit udhëheqet nga kryetari Xhafer Gashi.
Detajet e këtij rasti i gjeni në kronikën në vijim:
