Komandanti i Forcës së Sigurisë së Kosovës, Bashkim Jashari, mori pjesë në Ditën e Vizitorëve të Shquar në Shqipëri, me rastin e përmbylljes së Ushtrimit Fushor “Defender Europe 25”.
Gjatë vizitës, Jashari u prit nga Shefi i Shtabit të Forcave të Armatosura të Shqipërisë, Arben Kingji, i cili e njoftoi për zhvillimet e ushtrimit dhe nivelin e lartë të bashkëpunimit ndërmjet Forcave të Armatosura të Shqipërisë (FARSH) dhe njësive të FSK-së të angazhuara në kuadër të Brigadës Shumëkombëshe të Lindjes.
Në kuadër të kësaj vizite, Komandanti Jashari vizitoi kontingjentin e FSK-së të angazhuar në Shqipëri, i përbërë nga Togu i Mortajave, vlerësuesit dhe oficerët shtabor. Ai u njoh nga afër me zhvillimet e aktiviteteve të përbashkëta dhe arritjet gjatë këtij ushtrimi ndërkombëtar.
Postimi i plotë:
Komandanti i FSK-së Gjenerallejtënant Bashkim Jashari merr pjesë në Ditën e Vizitorëve të Shquar në Republikën e Shqipërisë
Me rastin e përmbylljes të Ushtrimit Fushor (UF) “Defender Europe 25” Komandanti i Forcës së Sigurisë së Kosovës (KOMFSK), Gjenerallejtënant Bashkim Jashari mori pjesë në Ditën e Vizitorëve të Shquar (DV Day) në Republikën e Shqipërisë.
Fillimisht, Gjeneral Jashari u prit nga Shefi i Shtabit të Forcave të Armatosura të Republikës së Shqipërisë (FARSH) Gjenerallejtnant Arben Kingji, i cili e njoftoi për rrjedhën e ushtrimit dhe nivelin e lartë të bashkëpunimit ndërmjet FARSH dhe njësive të FSK të angazhuar në kuadër të Brigadës Shumëkombëshe të Lindjes (MNB-E).
Gjatë kësaj vizite, GLT Jashari gjithashtu vizitoi trupat e kontingjentin të FSK të angazhuar në Republikën e Shqipërisë, i përbërë nga Togu i mortajave, vlerësuesit dhe oficerët shtabor në kuadër të komandës së brigadës, ku u njoh nga afër me zhvillimet e aktiviteteve të përbashkëta dhe arritjet gjatë këtij ushtrimi. Ai përgëzoi pjesëmarrësit për përkushtimin e tyre gjatë kësaj kohe, duke theksuar rëndësinë e pjesëmarrjes së FSK-së në një ushtrim të nivelit të DE25, si dhe ngritjen e aftësive të njësive të FSK që të operojnë në një mjedis shumëkombësh operacional.
Sipas agjendës, personalitetet e larta kanë ndjekur demonstrimin e aktiviteteve të planifikuara në poligonin trajnues të Biza. Forcat e FARSH, Ushtrise Amerikane, FSK, Maqedoni e Veriut dhe Kroaci të angazhuara në këtë ushtrim shfaqën një performancë të dalluar gjatë ekzekutimit të aktiviteteve të planifikuara, të cilat kanë përfshirë edhe qitjen me mortaja nga Togu i mortajave te KFT-së.
Dislokimi i njësive të FSK-së në brigada të ndryshme të rajonit në ushtrime fushore të këtij niveli, përfaqëson një hap të rëndësishëm drejt avancimit të ndërveprueshmërisë me aleatët dhe partnerët dhe bashkëpunimit ndërkombëtar, me qëllim të zhvillimit të kapaciteteve operacionale të FSK-së të operojë në mjedise shumëkombëshe.
