Në prill të këtij viti ministri i Financave, Punës dhe Transfereve kishte nxjerrë një udhëzim administrativ për arkat fiskale me qëllim të krijimit të një sistemi të ri digjital, që nënkupton se arkat fiskale dalin nga përdorimi pas krijimit të këtij sistemi, kurse bizneset e reja në këtë fazë tranzitore nuk kanë nevojë të pajisen me arka të reja.
Gazeta Online Veriu.info kishte raportuar kohë më parë për këtë “hallakamë” në sistemin fiskal dhe problemet që ka krijuar për kompanitë që janë të çertifikuara për shitjen dhe abonimin e arkave fiskale.
Kur kanë kaluar gati 2 muaj nga hyrja në fuqi e këtij udhëzimi administrativ, kompanitë që merren me shitjen e arkave fiskale dhe abonimin e tyre ankohen për rënien drastike të shitjes dhe mbylljen e shumë pikave nëpër Kosovë.
Ardian Behluli nga kjo kompani ka thënë se ky vendim u ka krijuar dëme të mëdha financiare duke iu mohuar e drejta si operatorë të çertifikuar për shitjen e abonimit dhe servisimit të arkave fiskale.
Ai ka njoftuar se kanë dorëzuar padi në Gjykatën Komerciale.
Kompania tjetër “Global EU” ka mbyllur pikën e saj në Prishtinë dhe po funksionon vetëm në Pejë.
Nga kjo kompani kanë thënë se ka rënie prej 40% për abonimin e arkave fiskale dhe 60% të shitjes së tyre.
Nga ministria nuk kanë kthyer përgjigje për këtë çështje.
Kur janë bërë 55 ditë nga miratimi i këtij udhëzimi administrativ, kanë mbetur vetëm edhe 5 ditë të fazës tranzitore për sistemin e ri digjital të fiskalizimit, Ministris në fjalë nuk ka dhënë asnjë njoftim se deri ku ka shkuar ky proces.
