Ushtria izraelite ka konfirmuar se janë detektuar sërish raketa të lëshuara nga Irani, duke i bërë thirrje qytetarëve që të drejtohen menjëherë drejt strehimoreve mbrojtëse.
Sipas raportimeve nga CNN, sirenat e sulmeve ajrore janë dëgjuar në Tel Aviv, të shoqëruara edhe me shpërthime të fuqishme, transmeton Veriu.info.
“Forcat tona të mbrojtjes janë në funksion të plotë për të ndaluar kërcënimin,” thuhet në një deklaratë të Forcave të Mbrojtjes së Izraelit (IDF), të publikuar të dielën.
Kjo valë e re e raketave iraniane vjen në të njëjtën kohë kur Izraeli ka njoftuar nisjen e një “serie sulmesh” në Iranin perëndimor, me objektiv raketat tokë-tokë./Veriu.info
