Janë bërë saktësisht dy muaj nga seanca e parë konstitutive, kur Vetëvendosja ka vendosur emrin e Albulena Haxhiut si ‘siguresë’ për të mos dalë në fazën tjetër: atë të votimit të nsë qeverisë. 32 herë Vetëvendosja mori ‘Jo’-në e synuar në këtë drejtim.
Me arsyen që pisket: s’ka shumicë parlamentare për të zgjedhur qeveri dhe mbajtur atë.
Plot 40 deputetë (me përjashtim të tetë ish-anëtarëve të qeverisë nga nga VV) i kanë të votueshëm për Kryetar të Kuvendit – siç ia ka ofruar PDK-ja.
Tre i ka të votueshëm poashtu nga AAK-ja: Glauk Konjufcën, Shqipe Selimin dhe Saranda Bogujevcin.
Albulena Haxhiu tha javë më parë për media të mos e shohin si insistim apo ambicie të vet “por, është qëndrimi i partisë” që emri i saj të jetë i paheqshëm.
Nën vellon e një të ashtuquajturi “komision për administrim të votës së fshehtë” Vetëvendosja mbulon emrin e Haxhiut.
“Ka kuorum”, e nis Avni Dehari, kryesuesi i seancës thjesht për nga virtyti i moshës – dhe e përfundon me “nuk ka kuorumm” – tash e 32 herë.
“Kosova ka qeveri, por s’ka kuvend”, thotë në anën tjetër Albin Kurti, i cili në kundërshtim me Ligjin për Qeveri (që e ka shkruar vet) dhe Kushtetutën e Kosovës po ushtron dy funskione pushteti: legjislativ dhe ekzekutiv.
61 ditë nga seanca e parë dhe 126 ditë që nga përfundimi i zgjedhjeve parlamentare gjendja mbetet në vendnumëro me seanca konstitutive disaminutëshe që ndërpritet për çdo katërdhjetë e tetë orë.
