LDK-ja në Vushtrri po përballet me një krizë të thellë të brendshme, e cila u manifestua qartë në mbledhjen e sotme të kryesisë së degës lokale. Takimi, ku ishin ftuar edhe kryetarët e nëndegëve, u mbajt në mungesë të madhe të pjesëmarrësve, duke pamundësuar formimin e kuorumit dhe rrjedhimisht edhe marrjen e ndonjë vendimi të vlefshëm.
Burime brenda partisë bëjnë të ditur se mungesa e shumicës së anëtarëve të kryesisë dhe e përfaqësuesve të nëndegëve nuk ishte rastësore, por pasqyrim i gjendjes së tensionuar dhe përçarjes së thellë të LDK në nivel lokal.
Xhafer Tahiri u vetëshpall kandidat për kryetar të komunës – veprim që nuk u prit aspak mirë nga partia.
Mungesa e figurave të rëndësishme të LDK-së në këtë mbledhje u interpretua si një bojkot i heshtur ndaj drejtimit aktual të degës.
Në këtë klimë të paqartë, LDK në Vushtrri duket më e ndarë, e zhgënjyer dhe pa një busull të qartë drejt zgjedhjeve që po afrohen.
