Nënkryetari i Komunës dhe kandidati për kryetar të Mitrovicës, Arian Tahiri, ka vlerësuar si një ditë të mrekullueshme për qytetin përurimin e objektit të ri të bibliotekës publike.
Ai theksoi se pas dekadash në të cilat biblioteka ishte zhvendosur nga një objekt në tjetrin, tashmë Mitrovica ka një bibliotekë moderne dhe funksionale.
“Le ta gëzojnë nxënësit, studentët, dashamirët e librit dhe gjithë Mitrovica këtë hapësirë të re që i dedikohet dijes dhe kulturës,” ka shkruar Tahiri.
