Një incident është regjistruar pas mesnate në rrugën Ahmet Krasniqi në Prishtinë, ku tre persona, të dyshuar se ishin të përfshirë në një përleshje fizike, kanë penguar zyrtarët policorë gjatë intervenimit.
Burime të Sinjalit bëjnë me dije se më 10 korrik 2025, rreth orës 00:25, një qytetare ka njoftuar Policinë për një përleshje në një rrugicë në afërsi të lagjes.
Njësia patrulluese ka dalë në vendin e ngjarjes, por në momentin kur kanë tentuar të ndalin përleshjen, personat e përfshirë kanë filluar t’i shtyjnë fizikisht policët, duke mos përfillur urdhrat dhe duke përdorur gjuhë ofenduese e fyese ndaj tyre.
Të dyshuarit janë: Astrit Gashi, 47-vjeçar që rezultoi me 0.58 promila alkool, Valon Gashi, 40-vjeçar që rezultoi me 0.75 promila alkoolm dhe Arbnor Smajli, 32-vjeçar që rezultoi me 0.45 promila alkool
Të tre janë shoqëruar në Stacionin Policor – Veriu, ku janë intervistuar dhe është kryer testimi me alkomat.
Pas konsultimit me Prokurorin kujdestar, është urdhëruar inicimi i rastit si “Pengim ndaj personit zyrtar”, ndërsa të dyshuarit janë liruar në procedurë të rregullt.
Rasti është duke u trajtuar nga njësia për hetime rajonale.
