Ambasadorja e SHBA-së në OKB, Dorothy Shea u takua me presidenten Vjosa Osmani, ku përmes një postimi në X, u shpreh edhe e nderuar për këtë takim.
Tutje, në shkrimin e saj thuhet se Shtetet e Bashkuara të Amerikës e konsiderojnë Kosovën si një partner të ngushtë strategjik dhe shton se janë të përkushtuara fuqishëm për njohjen e saj të plotë brenda Kombeve të Bashkuara, transmeton Klankosova.tv.
Ajo shtoi se koha për ta mbyllur UNMIK-un, misionin e OKB-së, është tani.
“Shtetet e Bashkuara e konsiderojnë Kosovën si një partner të ngushtë strategjik dhe janë të përkushtuara fuqishëm për njohjen e saj të plotë brenda Kombeve të Bashkuara. Koha për të mbyllur UNMIK-un, misionin e OKB-së është tani”, thuhet në postim, transmeton Klankosova.tv.
