Ish-zëvendësministri i Punëve të Brendshme, Zafir Berisha, e ka kritikuar ashpër ministrin në detyrë të Puneve të Brendshme, Xhelal Sveçla.
Këtë të fundit, Berisha e ka quajtur patriot sezonal dhe dezertor.
Në profilin e tij në “Facebook”, Berisha ka ironizuar me deklaratat e Sveçlës për Igor Popoviqi, i cili është arrestuar nga policia pasi fyeu UÇK-në.
Sipas Berishës, fjalë më të rënda se Papoviqi për UÇK-në kanë thënë edhe shumë bashkëpuntor të VV-së.
“Patrioti sezonal Xhelal Sfeçla alias dezertori, paska vazhdu manipulimin me prapagandë gebelsiane të analfabetëve dhe hijenave të sektit të tyre politik. Xhelali qenka krekos si gjeli mbi pleh për ndalimin e një serbi i cili në një fjalim në Rahovec, paska përdorur gjuhë të ashpër kundër Ushtrisë Çlirimtare të Kosovës! Xhelal dezertori nuk e di a e ka dëgjuar, për UÇK-së me keq se Popoviqi kanë folë shumë kolegët të tij, si znj Donika Schëarz, Hekuran Murati, Shkelzen Gashi, Nazlie Bala, por asnjëri nga këta nuk u ndalu, përkundrazu ju dha pozita në qeveri. 24 orë pa ndërpre, për më shumë se 20 vjetë platforma të ndyshme, si dhe rrjete sociale të ndryshme në fb “me Albinin kryeminstër” etj, që financohen nga Serbia, kanë vjellën vrerë kundër UÇK-së dhe eksponentëve te saj, ndërsa Xhelal dezertorit nuk i kanë pengu, përkundrazi, atë propagand e kanë shfrytëzu për llogari të politikës ditore”, ka shkruar Berisha.
