Aktorja dhe fituesja e edicionit të tretë të “Big Brother VIP Albania”, Egla Ceno, ka ndarë një moment shumë personal me ndjekësit, duke bërë të ditur se nëna e saj ka përjetuar një ishemi të papritur.
Përmes një postimi emocional në rrjetet sociale, Ceno ka treguar se falë reagimit të menjëhershëm të stafit të urgjencës në Berat, si dhe të mjekëve të QSUT-së dhe Spitalit të Neurologjisë, gjendja e nënës së saj është stabilizuar.
“Jeni njerëzit më të rëndësishëm për jetën e mamit tim që nga mëngjesi i sotëm. Jeni një simfoni jete”, ka shkruar aktorja, duke falënderuar përzemërsisht mjekët dhe infermierët për përkushtimin, profesionalizmin dhe kujdesin njerëzor.
Egla ka përmendur edhe emrat e disa prej profesionistëve që ishin pjesë e këtij trajtimi të rëndësishëm, duke i shprehur atyre mirënjohje publike.
“Faleminderit për shpresën. Në duart tuaja, mami mori një shans të dytë. Mirënjohja ime është e thellë,”, shkroi ajo.
