Ministria e Financave, ka thënë se përmes masës Qeveria për Familjet, në komunat Leposaviq, Zubin Potok, Zveçan dhe Mitrovicë e Veriut janë punësuar 809 qytetarë.
Nga ministria është thënë edhe se për shkak të interesimit të bizneseve, aktualisht janë të hapura mbi 1,000 vende të lira pune.
‘‘Kujtojmë se kjo masë mbështet punësimin përmes subvencionimit deri në 70% të pagës bruto për 6 muaj me radhë’’, thuhet mes tjerash në postimin e Ministrisë.
Postimi:
809 qytetarë të punësuar në komunat Leposaviq, Zubin Potok, Zveçan dhe Mitrovicë e Veriut përmes masës Qeveria për Familjet
Ministria e Financave, Punës dhe Transfereve njofton qytetarët se në kuadër të masës për mbështetjen e punësimit në komunat Leposaviq, Zubin Potok, Zveçan dhe Mitrovicë e Veriut, deri më tani janë punësuar 809 qytetarë.
Falë interesimit nga ana e bizneseve, aktualisht janë të hapura mbi 1,000 vende të lira pune, të cilat presin të plotësohen me punëkërkues të regjistruar në Zyrat e Punësimit.
Kujtojmë se kjo masë mbështet punësimin përmes subvencionimit deri në 70% të pagës bruto për 6 muaj me radhë.
Ftojmë të gjithë qytetarët që jetojnë në këto komuna që të regjistrohen pranë Zyrave të Punësimit dhe të përfitojnë nga kjo mundësi.
