UBA Bank, banka e parë private në Shqipëri, ka kaluar në pronësi të Eurosig sha në vitin 2020, përmes një transaksioni që ngre dyshime, pasi banka u blen me kredi nga vetë fondet e saj. Pas kësaj, pronar u bë Kadri Morina.
Nga viti 2020 deri sot që flasim UBA Bank është përdorur jo si një bankë e publikut, por si kuleta personale e Kadri Morinës, por me një ndryshim. Që kjo kuletë nuk ka brënda lekët e tij, por lekët e njerëzve që kanë depozitat në atë bankë.
Për këto skandale është vënë në dijeni edhe Banka e Shtetit e cila ka marrë disa masa gjysmake, të cilat në thelb duke e “ndëshkuar” administrativisht e kanë shpëtuar penalisht.
Sipas dokumenteve që disponon redaksia e Priza.al më datat 24-25-26-31 dhjetor 2024 janë dhënë nga UBA Bank më shumë se 150 kredi me vlera që fillojnë nga 100.000 euro e sipër.
Nuk ka asgjë të çuditshme që një bankë të japë kredi, por është kriminale kur këto kredi ti detyron stafin e të gjithë kompanive të tua, përfshirë dhe stafin e bankës që të marrin kredi. Kredi vetëm me kartë identiteti. Kredi 100.00 euro dikush që ka pagën 50.000 lek. Nga drejtorët tek pastruesit e shoferët të gjithë u kredituan. Përse? Papritur i gjithë stafi i kompanive të Kadri Morinës ra në hall dhe iu deshën lek? Përkundrazi. Ishte Kadri Morina i cili i rënë në hall se nuk paguante dot taksën e ndikimit në mjedis të një pallati që e nisi dhe sdihet kur do përfundojë detyroi punonjësit të bëhen borxhli që medemek të blejnë shtëpi, që këto para të kalonin në llogarinë e kompanisë së ndërtimit e të paguhej fatura që të zbardhej leja.
Ja për kaq manovër, banka e shtetit e ka kapur në shkelje UBA Bank. Asnjë dosje kreditori e plotësuar. Asnjë analizë të ardhurash për kredimarrësit. Sot UBA BANK është e bllokuar nga banka e Shqipërise dhe as nuk mundet të hapë degë te reja, e as të japë kredi.
Por kjo nuk është manovra e vetme e Kadri Morinës me UBA Bank. Grupi Eurosig ka në pronësi edhe një kompani sigurimesh po me këtë emër. Sic e thotë ligji, kompania e sigurimeve duhet të ketë një depozitë aktive në një bankë të nivelit të dytë. Duke qënë se grupi Eurosig ka edhe sigurimet edhe bankën, me udhër të CEO-s së kompanisë Orfea Dhuci, të drejtoreshës së auditit Evis Eskiu dhe shefes së rrjetit të degëve Erovena Shamku, EUROSIG si kompani sigurimesh ka mbullur llogarinë pranë UBA bank duke marrë menjëherë fitimin anticipative, pa pritur as të maturohej. E njëjta depozitë është hapur e mbyllur disa herë e në secilën prej rasteve duke bërë të njejtën skemë, edhe pse këto depozita kontrollohen nga AMF dhe asesi nuk duhet të preken.
Para pak kohësh bankës iu desh të rriste kapitalin. e di mund të bëhej kjo? Zgjidhjen e gjetën Orfea Dhuci dhe Evis Eskiu të cilët kredituan me plot 1 milionë euro disa punonjës të bankës të cilët në momentin e kreditimit kishin pagë të deklaruar vetëm 50.000 lek. Janë një listë e gjatë punonjësish të përdorur për këtë manovër e disa prej tyre janë: Marjeta Burimi, Albion Kopani, Xhevdet Kopani, Zaim Bardhi e shumë të tjerë.
Nëpërmjet këtyre manovrave banka ka tejkaluar raportin e pranueshëm mes kredive dhe depozitave që do të thotë në shqip se banka ka dhënë më shume kredi se sa ka lek nga depozitat e klientëve.
Gjatë investigimit të dosjes “UBA” redaksia e gjend përpara një fakti tronditës. Kemi arritur të identifikojmë të paktën 5 llogari klientësh (persona fizik), të cilëve i janë prekur llogaritë bankare. Ose thënë më shqip, i mungojne lekë.
Disa prej tyre enden prej ditësh dyerve të UBA-s me nga një “statement” në dorë duke kërkuar sqarime, por askush sdi çfarë t’i thotë.
