Njohësi i çështjeve politike, Jeton Halimi, ka komentuar aktgjykimin e fundit të Gjykatës Kushtetuese, duke theksuar se vendimi mund të çojë në paralizimin institucional.
Ai për GazetaBlic theksoi se, sipas aktgjykimit, “partia fituese apo grupi parlamentar më i madh ka të drejtë vetëm tri herë të propozojë një kandidat për kryetar të Kuvendit”, një situatë që, sipas tij, mund të shkaktojë bllokada.
Halimi ka kritikuar ashpër Kryeministrin në detyrë, Albin Kurti, duke thënë se ai nuk ka “votat e nevojshme për Kuvendin dhe Qeverinë”, dhe se duhet “të ulë kokën dhe të bëjë marrëveshje me opozitën.”
Ai shtoi se situata aktuale është e dëmshme për shtetin, duke thënë: “Kosova është jo funksionale për shkak të inateve politike dhe interesave personale.”
Në lidhje me presionin ndërkombëtar, Halimi ka theksuar se “pa një presion të madh nga SHBA dhe BE, nuk ka shanse për zgjidhje.”
Ai gjithashtu ka kritikuar veprimet e ministrës së Drejtësisë, duke thënë: “Një ministre analfabete në profesion nuk ka të drejtë të ndërhyjë në sistemin gjyqësor.”
Halimi ka përfunduar duke theksuar se “LVV dhe Kurti duan të shtyjnë agjendat e tyre politike, duke bllokuar çdo mundësi për zgjidhje.”
