Gjykata Themelore në Prishtinë i ka caktuar masa e paraburgimit prej një muaji Top Kolshit, i arrestuar për vrasjen e Enver Bajraktarit në fshatin Baicë të Lipjanit.
Këtë e ka konfirmuar për Insajderi zëdhënësja e Gjykatës, Mirlinda Gashi: “Po, i është caktuar masa e paraburgimit prej një muaji”, tha ajo shkurt.
Top Kolshi u arrestua të martën pas kontrolleve në fshatin ku ndodhi vrasja.
Sipas një njoftimi të përbashkët nga Prokuroria Themelore në Prishtinë dhe Policia e Kosovës, i dyshuari ka pranuar kryerjen e veprës penale gjatë marrjes në pyetje.
Enver Bajraktari ishte raportuar i zhdukur nga familjarët më 4 gusht, ndërsa një ditë më vonë u gjet i pajetë, i varrosur në një arë në Baicë.
