Deputetja e PDK-së, Blerta Deliu-Kodra ka thënë se shpreson që të ketë reflektim nga Lëvizja Vetëvendosje dhe të respektohet aktgjykimi e të kthehen te pika e tretë e rendit të ditës, pra tek Votimi i Hapur.
Ajo tha se PDK-ja s’ka votë për Albulena Haxhiun dhe asnjë ministër të Qeverisë Kurti, pasi siç tha ajo janë përgjegjës për degradimin këto pesë vite të Kosovës.
“Jemi këtu për të respektuar aktgjykimin. Duam të besojmë që do të ketë reflketim nga Lëvizja Vetëvendosje që aktgjykimi të respketohet dhe te kthehemi në pikën 3, në votim të hapur. Ta shohim. Aktgjykimet e tilla s’duhet të vihen në dilemë. Kosova është bllokuar gjashtë muaj për shkak të arrogancës dhe mosrepsketimit të aktgjykimit të 26 qershorit”, tha ajo para gazetarëve.
“Do të marrim pjesë, ashtu siç kemi votuar kundër, por s’do të kemi votë për Hahxiun dhe asnjë Ministër të qeverisjes Kurti, pasi janë përgjegjës për degradimin pesë vjeçar të Republikës së Kosovës”, tha ajo.
