Në kuadër të përgatitjeve për fushatën e zgjedhjeve të 12 tetorit, dega e LDK-së në Vushtrri ka mbajtur takim me kandidatët për Kuvendin Komunal të Vushtrrisë, ku si shef shtabi është konfirmuar Bashkim Gashi.
LDK thotë se është e vendosur ta udhëheqë fitoren për një Vushtrri më të zhvilluar dhe më të drejtë me kandidatin për kryetar Xhafer Tahiri.
Njoftimi nga Dega e LDK në Vushtrri:
Dega e Lidhjes Demokratike të Kosovës ka mbajtur takim me kandidatët për Kuvendin Komunal të Vushtrrisë, ku u diskutuan strategjitë dhe përgatitjet për zgjedhjet lokale të 12 tetorit 2025.
Në këtë takim u konfirmua se Bashkim Gashi do të jetë Shef i Shtabit Zgjedhor të Degës së LDK-së në Vushtrri.
Me përvojën e tij dhe me përkushtimin e gjithë ekipit, jemi të bindur se fushata e LDK-së do të zhvillohet me përgjegjësi, transparencë dhe përkushtim të plotë ndaj qytetarëve.
LDK është e vendosur ta udhëheqë fitoren për një Vushtrri më të zhvilluar dhe më të drejtë.
Xhafer Tahiri ,Kryetar i degës së LDK-së Vushtrri
