Avokati Arianit Koci ka komentuar zhvillimet e fundit.
Ai ka thënë se dështimi më i madh ka qenë kandidaimi i 54 herë për Albulena Haxhiun.
Postimi:
Një prej huqjeve më të mëdha politike në Kosovën e pasluftës është tentimi absurd, pesëdhjetë e katër herë, me e bërë Albulenën kryetare të Kuvendit.
Tashmë dihet, por në fakt është ditur qysh pas dështimit të dytë, se ajo nuk do t’i merrte votat.
Çdo tentim i radhës ka qenë autogoll politik monumental.
Ajo nuk u bë kryetare, shteti është në vdekje klinike, e skena politike – e çrregulluar krejtësisht.
Kurrë nuk kemi qenë më të përçarë se sot, dhe për më tepër, ky veprim e ka hapur edhe Kutinë e Pandores. Mjafton të shikoni se si po e shfrytëzon Lista Serbe.
Sidoqoftë, do të ishte mirë që ndonjëri prej bashkëpunëtorëve të Albinit – nëse ka mbetur dikush që guxon – t’ia thotë këtë të vërtetë në sy.
