“Sulmet izraelite nuk synojnë vetëm Katarin, por çdo vend që punon për të arritur paqen”, tha kryeministri i Katarit në një takim të Këshillit të Sigurimit të OKB-së mbi situatën në Lindjen e Mesme.
“Vazhdimi i sulmeve të tilla nuk synon vetëm Katarin. Është një kërcënim i qartë për të synuar çdo vend që po punon për të arritur paqen dhe kjo minon besimin në Kombet e Bashkuara”, tha Sheikh Mohammed bin Abdulrahman bin Jassim Al-Thani.
Ai theksoi se sulmi në Doha synonte të prishte negociatat.
“Izraeli po përpiqet të riorganizojë rajonin me forcë. Përdorimi i ideve fundamentaliste është baza e sjelljeve të Izraelit”, shtoi ai.
Ai vuri në dukje se Katari beson plotësisht në ndërmjetësim dhe zgjidhjen paqësore të mosmarrëveshjeve.
Katari, nënvizoi ai, do të vazhdojë përpjekjet diplomatike dhe nuk do të tolerojë asnjë sulm ndaj sigurisë së tij.
Ai akuzoi udhëheqjen aktuale të Izraelit si “ekstremistë të etur për gjak” që “besojnë se gëzojnë pandëshkueshmëri” ndërsa kryejnë një “gjenocid në Gaza” dhe dëmtojnë stabilitetin rajonal.
