Një rast i pazakontë është raportuar në Mitrovicën e Veriut, ku një e re ka marrë mesazh kërcënues nga një profil i rremë që përdorte stemën e Policisë së Kosovës.
Sinjali mëson se më 12 shtator 2025, rreth orës 22:50, S.Radenkovic rreth 19-vjeçare ka pranuar një SMS në aplikacionin Viber, nga një numër i panjohur i Serbisë. Profili mbante stemën e Policisë së Kosovës dhe ishte emërtuar “Dhuna në Familje / Porodicno”.
Në mesazh, i riu i panjohur i shkruante se “nëse ndodh edhe njëherë një fjalosje me ndonjë femër tjetër, atëherë do ta procedoj rastin në polici”.
Përpjekjet për ta kontaktuar këtë numër kanë rezultuar të pasuksesshme. Pas njoftimit të Prokurorit të Shtetit, rasti është cilësuar si “Prezantim i rremë si person zyrtar” dhe ka kaluar në hetime.
