Shoqata e Veteranëve të Luftës së UÇK-së u shprehu mirënjohje atyre që morën pjesë në demonstratën e sotme në Hagë, ku u dogjën për drejtësi për ish-udhëheqësit e UÇK-së, të cilët ndodhen aktualisht në paraburgim.
OVL-UÇK deklaroi se porosia që doli nga protesta sot ishte “e qartë: jo në emrin tim”.
“Falënderim i veçantë për mërgimtarët, luftëtarët, qytetarët dhe mediat që morën pjesë në protestën e sotme të organizuar nga kategoritë e dala nga lufta e UÇK-së. Mesazhi ynë i përbashkët ishte i qartë: Jo në emrin tim!”, thuhet në një postim të OVL-UÇK-së në Facebook.
Drejtori i kësaj organizate, Hysni Gucati, shprehu në protestë se “bota demokratike nuk duhet t’i mbyllë sytë karshi padrejtësive kaq të mëdha”.
“U bëjmë thirrje ndërkombëtarëve që të mos ndëshkohet Kosova për lirinë e saj. Drejtësia duhet të jetë e njëjtë për të gjithë. Këtu jemi për të thënë se nuk do të lejojmë të nëpërkëmbët sakrifica e Kosovës”, tha ai.
