Xheneta, ish-finalistja e edicionit të tretë të Big Brother VIP Kosova, ka tërhequr vëmendjen me një rrëfim të papritur që po bën xhiron e rrjeteve sociale.
Në një bisedë gjatë një live në TikTok, ajo ka ndarë përjetimet e saj të fundit, duke lënë të kuptohet se ka filluar të dyshojë për magji të zezë.
“A beson në sehire? Po më doket që dikush më ka bë diçka në këtë banesë. Si vi në shtëpi tem, nuk flej kurrë rahat. Shoh ëndrra, njerëz që kurrë s’i kam parë. Armiq e di që kam. Çdo ditë nga 10 më shtohen. Nuk është mirë mos me mujt me flejt në banesë. Në pushim, hotel Shqipëri, banesë të një shoqes, gjithë flej normal. Kam hall të madh. E kam thirrë një pastruese, e kam pastru në gjitha anët sepse mendoja mos më ka qitë dikush diçka. Kurgjë. A me shku te hoxha?” – është shprehur ajo.
Përjetimet e saj të çuditshme dhe netët pa gjumë, sipas saj, nuk lidhen me stresin apo lodhjen, por me diçka “të errët” që ajo beson se ndikon në jetën e saj të përditshme.
Nëse Xheneta do të zgjedhë të ndjekë rrugën e besimit tek hoxhallarët, siç e ka përmendur, apo do të kërkojë një zgjidhje tjetër, kjo mbetet për t’u parë.
