Mozzik është gjendur në qendër të një skandali pas raportimeve se është ndaluar nga dogana për shkak të dy orëve luksoze që mbante me vete: një Richard Mille, e famshme për çmimet që arrijnë deri në miliona euro, dhe një Rolex, simbol i luksit klasik me vlera që shkojnë nga dhjetëra mijëra euro.
Origjina e këtyre orëve ngriti dyshime dhe autoritetet ndërhynë menjëherë. Nga dogana u bë e ditur se kontrollet mbi mallrat e luksit janë procedura standarde, ndërsa avokati i Mozzik mohoi se bëhet fjalë për arrestim formal, duke e cilësuar situatën si verifikim rutinë. Por pavarësisht kësaj, rrjetet sociale shpërthyen me reagime dhe aludime.
Vëllai i tij, Getinjo, zgjodhi të ironizojë duke shkruar: “Mos bëni zhurmë, vetëm gjeneratori bën zhurmë”, por ishte Noizy ai që ndezi më shumë debatin.
Dikur mik dhe bashkëpunëtor i Mozzik, ai publikoi një story ku tallte hapur, duke shpërndarë një faqe që shet replika orësh luksoze nga Kina dhe duke shkruar: “E du edhe unë një kështu urgjent”, të shoqëruar me emoji qeshjeje. Një thumb i qartë që aludon se orët e Mozzik mund të mos jenë origjinale.
Kujtojmë se dy reperët dikur kishin bashkëpunuar në një këngë që u prit me shumë sukses, por marrëdhëniet e tyre u prishën dhe projekti u fshi nga platformat muzikore. Tani, pas ftohjes së gjatë, Noizy duket se nuk ka duruar pa ironizuar duke e parë si të pamundur faktin që reperi ka ora me vlerë mbi 1.3 milion dollarë. /Prive By Liberta Spahiu
