Sot, para Gjykatës Themelore të Mitrovicës kanë dalë katër anëtarë të familjes Gerbeshi, Avdullahu, Rrahmani, Emini dhe Kadriu.
Veriu.info raportoi eksluzivisht para pak minutash se pas mbajtjes së seancës për caktimin e paraburgimit, është liruar Emin Gërbeshi.
Veriu.info ka siguruar aktivendimin e Gjykatës Themelore të Mitrovicës dega në Vushtrri për lirimin e të pandehurit duke refuzuar kërkesën e Prokurorisë Themelore.
Sipas vendimit të siguruar nga Veriu.info atij i është caktuar masa e ndalimit për t’iu afruar vendit dhe personit të caktuar.
Në një intervistë për Veriu.info avokatja e tij, Saranda Keqekolla, kishte thënë se klienti i saj është arrestuar padrejtësisht dhe s’ka prova për mbajtjen e tij në paraburgim.
“Sot në sallën e gjykimit u paraqitën disa prova për të cilat klienti im e ka vuajtur dënimin. Pa renditur asnjë provë që inkriminon të mbrojturin tim.” – kishte thënë gjatë ditës për Veriu.info avokatja Keqekolla.
