Sonte në pjesën e parë të Pressing, Ferit Idrizi, kandidat i PDK-së për Vushtrrinë shpalos ofertën e tij.
Idrizi tha se i ka qëndruar besnik parimit që të jetë kryetar i të gjithë kryetarëve pa dallim.
“I kam qëndruar besnik që të jem kryetar i të gjithë qytetarëve pa dallim. Besimi për mua është vlera më e madhe nga të gjitha të tjerave që mund të theksojmë. Qytetarët e Vushtrrisë e dojnë një kulturë politike të qasshme dhe të butë”, tha ai.
Tutje, Idrizi tha se ka pasur një mandat shumë sfidues dhe shumë të suksesshëm.
“Sfidues për faktin që tashmë është e njohur kontrata kolektive përmes përmbaruesit na ka dëmtu rreth 11 milionë euro, që i bjen 45 për qind të buxhetit të përgjithshëm për 4 vjet të investimeve kapitale”, tha ai.
