Veriu.info
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Veriu
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum
Nuk u gjet asgjë!
Të gjitha rezultatet
Nuk u gjet asgjë!
Të gjitha rezultatet
Veriu

Skandal i dyfishtë: “Vatan Med” u kap duke kryer transplant flokësh pa licencë, por Inspektorati vendosi vetëm gjobë, jo edhe ndalimin e veprimtarisë

28/07/2026 - 15:40
në HULUMTIME, Kryesore, Lajme
A A
Skandal i dyfishtë: “Vatan Med” u kap duke kryer transplant flokësh pa licencë, por Inspektorati vendosi vetëm gjobë, jo edhe ndalimin e veprimtarisë
Shpërndaje në FacebookShpërndaje në Whatsapp

Veprimtaria e shumë prej institucioneve private shëndetësore në Kosovë është kthyer në sfidë për shtetin, pasi që ato po operojnë vazhdimisht në mënyrë të kundërligjshme me shërbime të palicencuara dhe staf ilegal (të palicencuar), gjë që paraqet edhe rrezik për shëndetin dhe jetën e pacientëve.

Veriu.info ka siguruar një vendim të Inspektoratit Shëndetësor të Ministrisë së Shëndetësisë, që mban datën 13 mars 2026, me të cilin klinika “Vatan Med” Sh.P.K. që funksionon në Çagllavicë është gjobitur me 6 mijë euro nga Inspektorati Shëndetësor për transplant të flokëve pa licencë dhe personel të huaj pa kualifikim e pa licencë.

Në arsyetimin e vendimit të cilin e ka siguruar Veriu.info, thuhet se më 16 shkurt 2026 kanë realizuar inspektim në “Vatan Med” pas ankesës së një pacienti, për të verifikuar respektimin e normave ligjore në fuqi në lidhje me ofrimin e shërbimeve shëndetësore.

Por, ajo çka kanë gjetur inspektorët shëndetësorë është shokuese, pasi që aty është konstatuar se “Vatan Med” po ofronte pa licencë shërbime shëndetësore për pacientë të transplantit të flokëve dhe PR.

“Në kohën e inspektimit, institucioni ishte i hapur duke ofruar shërbime të transplantit të flokëve për pacientë dhe PRP, shërbime të cilat në Divizionin për Licencim dhe Akreditim në Ministrinë e Shëndetësisë nuk janë të lajmëruara dhe të licencuara për ofrim në këtë institucion në kundërshtim me Nenin 42 të Ligjit 04/L-125 për Shëndetësi”, thuhet në vendimin për gjobitjen e “Vatan Med”.

Gjetjet skandaloze me rastin e inspektimit në “Vatan Med” vazhdojnë me Aybuke Filcan, e cila ofronte shërbime për pacientë të transplantit të flokëve dhe PRP, edhe pse nuk ishte e kualifikuar si kuadër profesional e as nuk posedonte vendim nga Ministria e Shëndetësisë për licencim si profesioniste e huaj shëndetësore, sikurse që nuk ishte as e lajmëruar në Divizionin për Licencim dhe Akreditim të Ministrisë së Shëndetësisë.

Përveç Aybuke Filcan, edhe Ahmet Goksu është zbuluar duke punuar pa dëshmi të kualifikimit profesional dhe pa vendim të Ministrisë së Shëndetësisë që jepet për shtetasit e huaj kur duan të punojnë në institucione shëndetësore.

“Gjatë kohës së inspektimit dhe as deri në datën e dorëzimit të këtij raporti, Inspektoratit Shëndetësor nuk i është ofruar vendimi për licencim nga Bordi për licencim të profesionistëve të huaj shëndetësorë për lejimin e licencimit si profesionistë shëndetësorë të huaj dhe ushtrim të veprimtarisë shëndetësore në Republikën e Kosovës për Aybuke Filcan dhe Ahmet Goksu, në kundërshtim me Nenin 12 të Udhëzimit Administrativ për licencimin e profesionistëve të huaj shëndetësorë”, thuhet ndër të tjera në arsyetimin e vendimit për gjobitjen e “Vatan Med”.

Në vendimin e siguruar nga Veriu.info, thuhet se me rastin e inspektimit në njërën dhomë që nuk kishte pacientë prezentë ishte Dr. Afërdita Navakazi (specialiste e dermatovenerologjisë), por që shërbimi për pacientë ofrohej nga Aybuke Filcan dhe Ahmet Goksu, të cilët në kohën e inspektimit ishin duke ofruar shërbimin PRP dhe transplantin e flokëve, shërbime këto të cilat nuk kanë qenë të lajmëruara e as licencuara në DLA/MSh.

Inspektorët shëndetësorë kanë zbuluar, se sipas regjistrit të pacientëve, “Vatan Med” kishte ofruar shërbime shëndetësore të transplantit të flokëve dhe PRP që nga data 7 gusht 2023 e deri në ditën e inspektimit. Pra, rreth tri vite kanë ofruar shërbime shëndetësore pa licencë.

Në fund të arsyetimit të vendimit për rastin e inspektimit në “Vatan Med” thuhet: “Gjatë inspektimit konstatuam se institucioni privat shëndetësor “Vatan Med – ambulancë specialistike e dermatologjisë në Graçanicë, ka ofruar shërbime të pa lajmëruara dhe të pa licencuara nga Divizioni për Licencim dhe Akreditim të institucioneve private shëndetësore të Ministrisë së Shëndetësisë në kundërshtim me Nenin 42 të Ligjit për Shëndetësi. Institucioni ka ofruar shërbime nga profesionistë shëndetësorë të huaj pa vendime për licencim nga Bordi për licencim të profesionistëve shëndetësorë të MSh-së për lejimin e ushtrimit të veprimtarisë shëndetësore në Republikën e Kosovës, ka ushtruar veprimtari nga stafi shëndetësor i pa licencuar si personel në këtë institucion nga DLA/MSh, nuk ka respektuar listën e shërbimeve shëndetësore specialistike të licencuara për ofrim, si dhe nuk ka bërë regjistrimin e pacientëve dhe shërbimeve shëndetësore të ofruara në regjistër të pacientëve sipas Udhëzimit Administrativ.”

Pavarësisht këtyre të gjeturave skandaloze, inspektorja shëndetësore Gentiana Krasniqi me rastin e nxjerrjes së vendimit, nuk i ka shqiptuar masën e ndalimit (të përkohshëm) të veprimtarisë shëndetësore për transplant të flokëve klinikës “Vatan Med”, sikurse që ka vepruar inspektorja Vjollca Jusufi për rastin e klinikës “Trandevue” (Lexo KËTU).

Se vendimi për gjobitjen e “Vatan Med” më shumë ka qenë procedurë formale, se sa ndalim faktik i veprimtarisë ilegale të transplantit të flokëve pa licencë nga kjo klinikë, shihet edhe në postimet që kanë bërë në rrjete sociale, duke nisur vetëm dy ditë pas vendimit të Inspektoratit Shëndetësor, ku “Vatan Med” në Facebook ka bërë thirrje për rezervime të konsulatave për transplant të flokëve, thirrje publike këto që kanë vazhduar pa ndërprerë në javët dhe muajt në vazhdim.

Veriu.info ka tentuar të marrë një qëndrim nga “Vatan Med” Sh.P.K. për këtë vendim të Inspektoratit Shëndetësor, por deri në momentin e publikimit të artikullit nuk ka pranuar përgjigje për pyetjet e dërguara me e-mail.

Kush është “Vatan Med” Sh.P.K.?

“Vatan Med” Sh.P.K. është kompani e themeluar në vitin 2019 në Graçanicë, ku shtetasi turku Ugur Ozturk i zotëron 100% të aksioneve.

Aktiviteti kryesore i kësaj kompanie në ARKB janë aktivitetet e mjekësisë së specializuar, përderisa si aktivitet sekondar ka të regjistruar aktivitetet tjera të shëndetit të njeriut.

Klinika “Vatan Med” edhe në vitin 2022 ishte përfshirë në një skandal, pasi që inspektorët shëndetësorë, Policia e Kosovës dhe ATK-ja kishin zbarkuar për të realizuar një bastisje në lidhje me veprimtarinë e saj (Lexo KËTU).

Asokohe ishte raportuar se Inspektorati Shëndetësor e ka gjobitur klinikën “Vatan Med” për ushtrim të veprimtarisë me profesionistë (jo-kosovarë) të pa licencuar, të cilëve u ishte ndaluar ushtrimin i vepritarisë (Lexo KËTU).

 

Foto: Ugur Ozturk - pronar i "Vatan Med" Sh.P.K.
Foto: Ugur Ozturk – pronar i “Vatan Med” Sh.P.K.

LEXONI EDHE:

“Pa biokimist, pa mbikëqyrje, me analiza jashtë spitalit”: Inspektorati gjobit simbolikisht spitalin “Bahceci” për parregullsi të shumta

Tags: Ugur OzturkVatan Med

JU REKOMANDOJMË

Mbi 100 milionë euro për pagën e 13-të dhe përvojën e punës, çfarë parasheh ligji?

Mbi 100 milionë euro për pagën e 13-të dhe përvojën e punës, çfarë parasheh ligji?
21/11/2026 - 22:53

Ligji i ri për ndryshimin dhe plotësimin e buxhetit të Kosovës për vitin 2026 parasheh ndarjen e 102 milionë eurove për mbulimin e kostos së pagës së 13-të...

Më shumëDetails

Deponia në Pejë përfshihet sërish nga flakët, Bajrami alarmon: Banorët po ngulfaten nga tymi, ku është shteti?

Deponia në Pejë përfshihet sërish nga flakët, Bajrami alarmon: Banorët po ngulfaten nga tymi, ku është shteti?
21/11/2026 - 22:34

Deputetja e LDK-së, Hykmete Bajrami, ka njoftuar se deponia regjionale e mbeturinave në Sferkë të Pejës është përfshirë nga zjarri për herë të dytë, raporton Gazeta Online Veriu.info....

Më shumëDetails

Ky është afati i fundit për apelimin e aktgjykimit të Speciales

Ky është afati i fundit për apelimin e aktgjykimit të Speciales
21/11/2026 - 21:26

Mbrojtja e ish-krerëve të UÇK-së dhe Zyra e Prokurorit të Specializuar kanë afat deri më 27 nëntor për të dorëzuar njoftimet për apel kundër aktgjykimit të shkallës së...

Më shumëDetails

Çeku kritikon Kurtin për mungesën e bashkëpunimit me Ramën: Kosova rrezikon dimër të vështirë energjetik

Çeku kritikon Kurtin për mungesën e bashkëpunimit me Ramën: Kosova rrezikon dimër të vështirë energjetik
21/11/2026 - 20:18

Çështja e energjisë elektrike dhe paralajmërimet për një dimër të vështirë kanë rikthyer kritikat ndaj Qeverisë së Kosovës për menaxhimin e këtij sektori. Në mesin e kritikëve është...

Më shumëDetails

Kurti jep lajmin e mirë: Projekti i banimit social në Pejë drejt fundit

Kurti jep lajmin e mirë: Projekti i banimit social në Pejë drejt fundit
21/11/2026 - 20:08

Kryeministri i Kosovës, Albin Kurti, ka dhënë lajmin e mirë se projekti i banimit social në Pejë është në fazën finale, raporton Gazeta Online Veriu.info. Ai ka thënë...

Më shumëDetails

KEK nënshkruan kontratë afro 95 mijë euro për remontin e pajisjeve vitale në “Kosova A”

Sindikata e KEK-ut proteston sot para zyrave të korporatës
21/11/2026 - 19:52

Korporata Energjetike e Kosovës (KEK) ka nënshkruar kontratë në vlerë prej 94 mijë e 598 euro e 24 centë për mirëmbajtjen preventive dhe remontin e furnizuesve të thëngjillit...

Më shumëDetails

Më të lexuarat në 24 orët e fundit

  • Mbi 100 milionë euro për pagën e 13-të dhe përvojën e punës, çfarë parasheh ligji?

    Mbi 100 milionë euro për pagën e 13-të dhe përvojën e punës, çfarë parasheh ligji?

    114 Shpërndaje
    Shpërndaje 46 Tweet 29
  • Ekspertët ndërkombëtarë tregojnë ku mund të sfidohet aktgjykimi ndaj ish-krerëve të UÇK-së

    87 Shpërndaje
    Shpërndaje 35 Tweet 22
  • Nga Kosova dyshohet se mashtruan 85 të moshuara në Norvegji, grupi bënte jetë luksoze

    82 Shpërndaje
    Shpërndaje 33 Tweet 21
  • CFO Green në Rahovec pa farmacist – Pronari Nadir Çausholli gjobitet me 2 mijë euro

    81 Shpërndaje
    Shpërndaje 32 Tweet 20
  • Ky është personi që gjet pa shenja jete në fermën e peshqve në Istog

    79 Shpërndaje
    Shpërndaje 32 Tweet 20

Të gjitha të drejtat janë të rezervuara.

Privacy Policy

© 2023 Veriu.info

Nuk u gjet asgjë!
Të gjitha rezultatet
  • Ballina
  • Lajme
  • HULUMTIME
  • Sport
  • Ekonomi
  • ShowBiz
  • Lifestyle
  • Ndryshe
  • Opinione
  • Tech
  • Kuriozitete
  • Impresum

© Veriu.info

Veriu.info përdor cookies. Duke vijuar me hapjen e kësaj faqe, ju bini dakord me kushtet për përdorimin e cookies. Më shumë