“Greke të Shqipërisë” e quajti Dejona Mihalin e Vetëvendosjes, Kryetari i Partisë Demokratike të Kosovës, Memli Krasniqi, referuar regjistrit civil në Shqipëri të babasë së Dejona Mihalit që deklarohet si kombas grek, që u bë publike kohë më parë.
Krasniqi e këshilloi “të mos na japë patriotizëm” dhe e quajti “shqetësuese” se pse Albin Kurti mban afër një figurë të tillë.
‘‘Çka thotë një greke e Shqipërisë që këtu shitet si shqiptare e madhe, unë jo që nuk mërzitna por as nuk e marr parasysh. Patriotizmin munden me na e dhanë shqiptarët më shumë se grekët kryesisht. Për mua është shqetësuese pse Albin Kurti e ka kaq afër dhe i beson kaq shumë, që krejt në Kosovën nuk ka mujt me gjet një njeri të meçëm qaty-qaty sa Dejona, nëse kjo i doket e meçme. Dimalin, nuk e kemi ndërru qëndrimin’’, tha Krasniqi në T7.
Dejona Mihali i quajti “tradhtarë” PDK-në dhe AAK-në pasi nuk votuan për Nenad Rashiqin si Nënkryetaer të Kuvendit, çështje kjo me pikëpyetje të mëdha kushtetuese.
