Kryeministri në detyrë i Kosovës, Albin Kurti si duket ka harruar se çfarë qasje ka pasur ndaj qeverive e kryeministrave tjerë. Ai ka thënë se në histori të Republikës së Kosovës nuk ka pasur një kryeministër më të ofenduar se ai.
“Nuk është në dorën tonë. Jemi përpjekur maksimalisht. Nëse shikoni ju se çfarë na kanë thënë neve është e pakrahasueshme. Nuk besoj që ka pasur në Republikën e Kosovës një kryeministër më të ofenduar se unë. Problemi i mospajtimeve nuk ka të bëjë me gjuhën që përdoret. Sepse çka i kanë thënë këta njëri-tjetrit e janë bërë bashkë, do të ishte e pashpjegueshme. Janë në pyetje interesat”, tha Kurti.
