Opinionistja e njohur Neda Balluku ka kërkuar zyrtarisht divorcin nga bashkëshorti i saj, Ogren Balluku, vëllai i ministres së Infrastrukturës dhe Energjisë, Belinda Balluku.
Burime për VoxNews.al bëjnë me dije se kërkesa për divorc është dorëzuar këtë të hënë në gjykatë, pas disa muajsh krize në marrëdhënien mes çiftit.
Historia e dashurisë së tyre nisi në vitin 2010, brenda shtëpisë së “Big Brother Albania”, ku Neda dhe Ogreni u njohën si konkurrentë dhe u bënë një nga çiftet më të pëlqyera nga publiku. Dashuria e lindur në reality show u kurorëzua në martesë në vitin 2015.
Çifti ka tre fëmijë: dy djem, Serzh dhe Zai, dhe një vajzë, Suzie Ann.
Edhe pse Neda gjithmonë ka qenë e rezervuar për jetën e saj private, ajo pritet të flasë për herë të parë publikisht mbi ndarjen në emisionin “Goca dhe Gra”, ku do të jetë e ftuar nesër.
Një fund i papritur për një histori që nisi para syve të publikut dhe për shumëkënd ishte shembulli i një dashurie që i reziston kohës.
