Kryetari i Komunës së Junikut, Ruzhdi Shehu. ka njoftuar se ka shpërndarë 145 bursa për studentët junikas, si mbështetje për të rinjtë dhe për zhvillimin e arsimit në komunë.
Ai tha se rinia përbën potencialin më të madh të Junikut.
“Kjo nuk është vetëm një ndihmë financiare, por një besim i plotë në talentin, ëndrrat dhe mundësitë e rinisë sonë. Çdo investim në arsim është investim në zhvillimin e Junikut dhe në mirëqenien e çdo familjeje junikase”, ka shkrur ai.
Kryetari ka shtuar se arsimi, rinia dhe zhvillimi do të mbeten shtyllat kryesore të qeverisjes komunale.
“Do të vazhdojmë të transformojmë Junikun në një vend ku të rinjtë nuk largohen, por krijojnë të ardhmen e tyre këtu. Së bashku mund ta bëjmë ndryshimin që duam”, ka përfunduar ai.
