Presidentja e vendit, Vjosa Osmani, ka mandatuar Glauk Konjufcën si emrin e dytë për postin e Kryeministrit.
Osmani deklaroi se sipas aktgjykimit të Gjykatës Kushtetuese, i jepet mandati të propozuarit të dytë dhe nëse ai nuk arrin ta formojë qeverinë, atëherë shpallen zgjedhjet e jashtëzakonshme.
Në lidhje me këtë çështje e cila pati kontestime nga partitë opozitare dhe shoqëria civile, ka folur për “Gazeta Blic” ish-ambasadorja e Kosovës në Itali, Alma Lama.
Lama tha se Presidentja ‘ka keqperdorur konceptin e diskrecionit të saj për t’i dhënë mandatin të dytit pa e pasur të deshmuar se ai i ka votat’.
Ajo potencoi se konceptini “gjasave” nuk është pjese e Kushtetutes duke iu referuar mungesës së 61 nëshkrimeve të deputetë si dëshmi.
“Mendoj se Presidentja ka keqperdorur konceptin e diskrecionit të saj për t’i dhënë mandatin të dytit, pa e pasur të deshmuar se ai i ka votat, pasi një gjë e tillë kërkohet shprehimisht në Kushtetute dhe vendimet e GJK. Pra kerkohet që në komunikim me subjektet e tjera politike të vleresojë nëse dikush e ka shumicën.Nëse subjektet i kanë deklaruar se nuk e votojnë asnjë kandidat të VV-se por duan zgjedhje, atëherë kjo është pergjigja.Konceptini “gjasave” nuk është pjese e Kushtetutes. Edhe pse nuk shkruhet askund, vetem nenshkrumet e deputeteve do te ishin nje dëshmi se kush i ka votat, dhe këte dëshmi duhet ta kishte kërkuar këtë dëshmi.Duhet thënë se te gjitha iniciativat paralamentare dhe krijimini seciles trupe të Kuvendit bëhet nëpermjet mbledhjes se nenshkrimeve” tha Lama për “Gazeta Blic”.
Lama tha se caktimi i mandatarit të dytë është një favor që Presidentja ia ka berë Kurtit dhe VV-së.
“Kështu qe caktimi i mandatarit të dyte duket se është vetëm një favor që Presidentja ja ka bere Kurtit dhe VV-se” tha Lama në përgjigjen e dhënë për “Gazeta Blic”.
