Lëvizja Vetëvendosje ende nuk i ka të sigurta 61 vota për votimin e një qeverie me në krye Glauk Konjufcën.
Madje, sipas Mefail Bajqinofcit ende nuk dihet se kur do të mbahet seanca, porse do të jetë pas balotazhit të së dielës.
“E bëmë nominimin e dytë në këtë rast të z. Konjufcës që opozita të lëshojë rrugë dhe të mos e rrezikojë buxhetin e vendit sepse rreziku më i madh dhe më potencial është që të mbesim pa buxhet në shkurt mund të mbesin mbi 80 mijë nga administrat publike shtetërore. Unë besoj se opozita do të reflektojë ashtu siç e kemi bërë e kemi lëshu pe e në këtë rast njeriun më të votuar nuk e kemi kandidat për një Qeveri kalimtare që buxheti i Kosovës të mos e rrezikojë shtetin dhe të gjithë administratën shtetërore”, deklaroi Bajqinovci për RTV Dukagjinin.
Shton se nuk është vonë për qeveri kalimtare.
“Për mos me paragjyku, pra ata gjithmonë e kanë një problem, ose thonë verës nuk bën ose dimrit nuk bën, ose për vitin e ri ose për bajram nuk bën, le te votojnë qeverisjen Kurti-Konjufca dhe pastaj zgjedhjet mund t’i në mars ose në prill, pasi ata janë të shqetësuar se mund të jetë mërgata këtu. Unë mendoj që këto janë bllofe të opozitës sepse ata e dijnë se nuk do të kalojnë mirë në zgjedhjet nacionale”, tha Bajqinovci.
Bajqinovci thotë se nuk është në dijeni nëse ka takime me deputetë ose parti politike për t’i bindur për të votuar pro formimit të qeverisë.
