Dy Ardian ia mësyn të parit të komunës.
Megjithatë, gjakovarët vendosën t’ia besojnë edhe një mandat Gjinit.
Gjini fitoi me 56%, kurse Gola i dyti me afër 44%.
Por, rezultatet janë tejet interesante brenda komunës. Gola ka arritur të fitojë bindshëm në qytet, përderisa Gjini bindshëm në fshatra.
Në shkollën “Hajdar Dushi” në Gjakovë, Gola ka fituar 767 vota, kurse Gjini 594 vota.
Bindshëm Gola fitoi edhe në shkollën “Mustafa Bakija”. Kandidati i VV-së mori 56.29%, kurse Ardian Gjini 43.71% të votave.
Në një prej qendrave më të mëdha të votimit “Yll Morina” në qytet, Gola mori 1 mijë e 370 vota, kurse Gjini 1 mijë e 29 vota.
Edhe në shkollën tjetër në qytet “Mazllum Këpuska”, Gola fitoi 57.77%, kurse Gjini 42.23%.
Gola fitoi edhe në shkollën “Nexhmedin Nixha” me 493 vota, kurse Ardian Gjini mori 376 të tjera.
Dallimi ishte edhe më i madh në shkollën “Kadri Kusari”. Gola fitoi 57.82% të votave në këtë qendër të qytetit, kurse Gjini 42.18%.
55.10% Gola i mori në shkollën “Zekeria Rexha”, kurse Gjini 44.90%.
Gola mori mbi 2 mijë e 470 vota në shkollën “Fehmi Agani” në qytet apo 60.45%, kurse Gjini mbeti me 39.55%. Rezultat i ngjashëm ishte edhe në shkollën “Emin Duraku” në Kralan, ku Gola mori mbi 60% të votave.
Megjithatë, situata ishte bindshëm ndryshe në fshatrat e Gjakovës. Atje, fitoret e Ardian Gjinit shkojnë në mbi 80% të votave.
Nacionale sjell rezultatet nga fshatrat.
Në Kralan, Ardian Gjini fitoi mbi 78% të votave, kurse Gola afër 22%.
Më thellë ishte rezultati në Cërmjan, ku Gjini mori 554 vota, kurse Gola 114 vota.
Në Bishtazhin Gjini fitoi 87% të votave, kurse Gola vetëm 12.96%, pra dallim i jashtëzakonshëm.
Në Lipovec Gjini fitoi 219 vota apo 80.5%, kurse Gola 53 vota apo 19.49%.
Pak më ngushtë ishte në Ponoshec, ku Gjini fitoi me 68% të votave.
Në Korenicë, Gjini shkoi në 86.41% të votave, duke e lënë Golën me vetëm 13.59%.
Përderisa në Rogovë ishte pak më ngushtë, në Demjn Gjini fitoi mbi 70% të votave, kurse në Skivjan rreth 80%.
Në fshatin Gërçinë, Ardian Gjini fitoi 255 vota apo 88.54%, kurse Gola 33 vota apo 11.46%.
Edhe në fshatra të tjera, rezultatet janë bindshëm në favor të Gjinit.
Si rezultat, Gjini del se fitoren e ka siguruar nga fshatrat, pasi në qytet, Gola ka qenë në përparësi.
