Pas sqarimit të kompanisë sllovene, Prokuroria e Shtetit ka urdhëruar Komisionin Qendror të Zgjedhjeve të që vazhdohet me numërimin e votave të Komunës së Mitrovicës së Jugut
Këtë vendim e ka marrë Prokurori i Shtetit, Sahit Tmava, përmes një urdhërese zyrtare.
Megjithatë ai në fund të shkresës ka thënë se numërimi do të vazhdojë me praninë e dy hetuesve policor të caktuar nga Prokuroria.
Këtë vendim e ka shpërndarë dhe e ka cituar zëdhënësi i VV-së, Arlind Manxhuka.
“Prokuroria Themelore në Mitrovicë ka njoftuar se ka urdhëruar KKZ-në që të rifillojë procesi i numërimit të fletëvotimeve në Mitrovicën e Jugut.Sipas njoftimit, vendimi është marrë pas sqarimit të kompanisë sllovene CETIS për printimin e fletëvotimeve”, ka shkruar Manxhuka duke bashkëngjitur vendimin e Prokurorit.
Megjithatë gjatë orëve të mbrëmjes së ditë së hënë, kur Prokuroria kishte shkuar në qendrën e numrimit në Mitrovicë të Jugut, Mefail Bajqinovci, e kishte akuzuar organin e hetuesisë duke thënë se aty kanë shkuar me urdhër të PDK-së.
“PDK-ja e ka çu policinë e prokurorinë, e tash edhe militantët në Qendrën e Numërimit në Mitrovicë. Me zor nuk merret fitorja, ajo kohë ka shku! Mitrovica ia tregoi vendin PDK-së!Natën e mirë!”, ka shkruar Bajqinovci të hënën më 10 nëntor.
