Dy ditëve të fundit disa komuna janë ballafaquar me vërshime pas reshjeve të mëdha të shiut.
Agjencia e Menaxhimit Emergjent i ka thënë Gazetës Express se “situata në nivel vendi paraqitet drejt përmirësimit”.
Në raportin e fundit mbi gjendjen, AME ka thënë se në disa zona janë evidentuar vërshime të tokave bujqësore, si dhe depërtime të ujërave nëpër shtëpi, kryesisht nëpër podrume.
“Që nga fillimi i reshjeve, Njësitë Profesionale të Zjarrfikjes dhe Shpëtimit kanë kryer 76 intervenime në Prishtinë, Fushë Kosovë, Ferizaj, Gjilan, Viti, Kllokot, Podujevë, Mitrovicë, Lipjan, Kamenicë, Novo Bërd, Junik, Ranillug dhe Shtime. Për shkak të situatës janë evakuuar gjithsej 6 familje në komunat: Fushë Kosovë, Ferizaj dhe Gjilan.”
