Operimit që iu nënshtrua tani po ia sheh sherrin.
46 vjeçarja V. A, me 6 nëntor të 2025-ës, bëri një ndërhyrje kirurgjike në të dy sytë, për të tërhequr vetullat në mënyrë që të përmirësonte kompleksin që kishte me kapakun e syrit të djathtë.
Megjithatë, rezultatet nuk e gëzuan aspak, ngase kapaku i syrit nuk u përmirësua fare, vetulla e syrit të majtë duket plotësisht e tërhequr dhe këtë anë thotë se e ka të paralizuar.
Pasi vërejti krejt këto, pacientja kërkoi të takohej sërish me doktorin përgjegjës, por kjo nuk iu mundësua, raporton Kiks Kosova.
Kësisoj, ajo me bashkëshortin u nisën për Prizren për t’u takuar me drejtorin e Spitalit Aloka, Halit Maloku.
Sipas pacientes, drejtori Maloku i tha që i duhet të presë 6 muaj për shërim.
Sipas saj, madje Maloku i tha që në momentin që pacienti del nga spitali, ata nuk marrin përgjegjësi.
Sipas 46-vjeçares, në fletëlëshim shkruan që ajo ka qëndruar 1 natë në spital, por ajo thotë që u lëshua rreth 45 minuta pas ndërhyrjes.
Sipas V. A, drejtori i spitalit i qeshi në fytyrë dhe e shpërfilli ankesën e saj.
Gruaja nga Istogu insiston që këtë rast ta çojë deri në fund, e krejt këtë thotë që po e bën sepse kërkon drejtësi.
Dallimet në sytë e saj pas operacionit ende vazhdojnë të jenë kompleks në përditshmërinë e saj. /Klankosova.tv
