Ish deputetja e Kuvendit të Kosovës nga radhët e LDK-së, Rrezarta Krasniqi, ka konfirmuar se do të jetë prapë kandidate për deputete në zgjedhjet e 28 dhjetorit.
Ajo thotë se është e frymëzuar nga vizioni i Presidentit historik Ibrahim Rugova dhe se beson fuqishëm në politikë që bashkon, transmeton Veriu.info.
Postimi i Rrezarta Krasniqi:
Angazhimi ynë për Kosovën, për ndryshimin e domosdoshëm që i duhet qytetarëve, do të bëhet realitet pas 28 dhjetorit.
Sot konfirmoj kandidaturën time për deputete, si vazhdimësi e angazhimit tim të përditshëm për një politikë me standarde, me moral dhe me përgjegjësi ndaj qytetarëve. Ky nuk është një hap i ri, por forcim i rrugës që tashmë e kam ndjekur: t’i shërbej vendit me ndershmëri e vendosmëri.
E frymëzuar nga vizioni i Presidentit historik Ibrahim Rugova, besoj fuqishëm në politikë që bashkon, nuk ndan; që ndërton, nuk shkatërron. Ky vizion do të mbetet bosht i angazhimit tim publik.
Na priftë e mbara!✌🏻
