Gazeta Online Veriu.info dje raportoi ekskluzivisht për mbylljen e marketit të Viva Freshit në Vushtrri, për shkak të kushteve të rënda për punëtorët.
Për këtë rast ka lëshuar komunikatë për opinionin publik ka thënë se pas pranimit të ankesave anonime ka zhvilluar inspektim në një subjekt me veprimtari në sektorin e shitjes në rajonin e Vushtrrisë.
“Gjatë inspektimit është konstatuar se kushtet e punës paraqisnin rrezik serioz për shëndetin dhe sigurinë e punëtorëve. Në bazë të kompetencave ligjore, është marrë vendim për ndalimin e përkohshëm të veprimtarisë punuese, deri në përmbushjen e të gjitha masave të kërkuara.” – thuhet në komunikatë.
Komunikata e plotë:
NJOFTIM PËR OPINIONIN PUBLIK
Inspektorati Qendror i Punës, pas pranimit të ankesave anonime, ka zhvilluar inspektim në një subjekt me veprimtari në sektorin e shitjes në rajonin e Vushtrrisë. Gjatë inspektimit është konstatuar se kushtet e punës paraqisnin rrezik serioz për shëndetin dhe sigurinë e punëtorëve.
Në bazë të kompetencave ligjore, është marrë vendim për ndalimin e përkohshëm të veprimtarisë punuese, deri në përmbushjen e të gjitha masave të kërkuara.
Në objekt është vendosur gjithashtu shenja paralajmëruese, me qëllim informimin dhe mbrojtjen e punëtorëve dhe palëve të treta.
Inspektorati Qendror i Punës mbetet i përkushtuar në zbatimin e ligjit dhe garantimin e kushteve të sigurta e dinjitoze për çdo punëtor.
Inspektimet do të vazhdojnë sipas ankesave të qytetarëve në të gjithë territorin e vendit. Aty ku konstatohet mosrespektim i Ligjit për Siguri dhe Shëndet në Punë, do të ndërmerren masat ligjore përkatëse, përfshirë edhe shqiptimin e gjobave.
Apelojmë të gjithë punëdhënësit të sigurojnë kushte të sigurta pune dhe të respektojnë legjislacionin në fuqi, për mirëqenien dhe sigurinë e punëtorëve.
